Муҳоҷирон метавонанд тибқи як патент дар чанд минтақа кор кунанд
Вазорати молия ба таҳияи тарҳи қонуне шурӯъ кардааст, ки ба муҳоҷирони корӣ имкон медиҳад, ки якбора дар чанд минтақа тибқи патент кор кунанд. Огоҳинома дар бораи оғози омодасозии ҳуҷҷат дар портали санадҳои меъёрии ҳуқуқӣ нашр шудааст, менависад Ведомости.
Лоиҳа ворид намудани тағйирот ба қонун «Дар бораи вазъи ҳуқуқии шаҳрвандони хориҷӣ дар Федератсияи Русия»-ро дар бар мегирад, гуфта мешавад дар корти ҳуҷҷат. Дар сурати қабул шудани лоиҳаи қонун, тағйироту иловаҳо метавонанд баъди як моҳи интишори расмии он эътибор пайдо кунанд. Дар огоҳинома ҳамчунин гуфта мешавад, ки он бо дастури нахуствазир Михаил Мишустин ва муовини нахуствазир Татяна Голикова, ки дар охири моҳи феврал содир шуда буд, омода шудааст.
«Ведомости» ба Вазорати молия ва ҳукумат дархост фиристодааст, то шумори эҳтимолии минтақаҳоеро, ки шаҳрвандони хориҷӣ дар онҳо метавонанд тибқи патент кор кунанд ва инчунин шароити дарёфти он мушаххас шавад.